آدمی ہوں کوئی فرشتہ نہیں

میں تلخئی حالات سے گھبرا کے پی گیا                          ۔۔۔۔۔۔۔۔۔۔۔۔غم کی سیاہ رات سے گھبرا کے پی گیا

اتنی دقیق شے کوئی کیسے سمجھ سکے                        ۔۔۔۔۔۔۔۔۔۔۔یزداں کے واقعات سے گھبرا کے پی گیا

چھلکے ہوئے تھے جام ، پریشاں تھی زلف یار       ۔۔۔۔۔۔کچھ ایسے حادثات سے  گھبرا کے پی گیا

میں آدمی ہوں کوئی فرشتہ نہیں حضور             ۔۔۔۔۔۔۔۔۔میں آج اپنی ذات سے گھبرا کے پی گیا

کانٹے تو کانٹے ہیں انکا گلہ ہی کیا                       ۔۔۔۔۔۔۔۔۔۔۔۔۔پھولوں کی واردات سے گھبرا کے پی گیا

ساغر وہ کہہ رہے تھے پی لیجیے حضور                ۔۔۔۔۔۔۔۔۔۔ان کی گزارشات سے گھبرا کے پی گیا